Tom Roger Aadland feira nyleg tjue år som artist med albumslepp og landsomfattande turné. Han utvidar jubileumsturnéen med nokre få konsertar våren 2025, og fredag 14. mars vitjar han Ås Kulturhus. På programmet står eigne låtar, Dylan på nynorsk, og eit utval songar han har skrive saman med andre opp gjennom åra (Hellbillies, Kjartan Fløgstad).

Det nye albumet «Lysvandring» har fått strålande kritikkar. «Et mesterverk», skriv musikkbloggen The Wilhelmsens, og held fram: «Det er lenge siden jeg har hørt et så gjennomført og suverent album». Dag og Tid omtalar Aadland som «ein framifrå tekstforfattar» og avslutningssporet på den nye plata som «ein komposisjon som manglar sidestykke i det norske låtlandskapet av i dag». Klassekampen kallar albumet «et nært og intimt møte med en av va?re beste historiefortellere».

«Tom Roger Aadland er en norsk musikalsk skatt som burde vært allemannseie», skreiv hi-fi-magasinet Stereo+ då albumet «Skyer» (2023) kom ut. Som låtskrivar er Aadland særmerka av evna til å skriva sterke tekstar kombinert med gode melodiar, og ei rekkje av songane hans har blitt radiofavorittar. Mange kjenner nok igjen låtar som «Like til mi dør», «Alle dei i ei» og «Min beste ven på ein dårleg dag».

Tom Roger Aadland er kjent som ein energisk utøvar med ei spesiell evne til å formidle innhaldet i ein song, og har rykte på seg for alltid å levere varene på scenen. Det er duka for ei musikalsk feststund i Ås Kulturhus.

Arrangeres i samarbeid med Ås mållag

Kulturbaren åpner kl. 18.30
Dørene åpner kl. 18.30
Konsertstart kl. 19.30
Foajéscene
Kr. 275,-